Hochwasser :-))

Dur de viel Rege hämmer jetzt fascht Euse chli Stran überflueted... und d Taucherlifamilie muess jetzt anstatt underem Steg dure, usse dure schwümme....

Wells endlich wiederemal schön gsi isch händ sich d Ladies es gmüetlichs Plätzli i de umgstellte Lounge gmacht :-)

Eusi jüngere VIP's händ vor em Match Italie gege Kroatie na welle " Pose" :-))
....

 ... und dänn sind's sofort ab vor d Linwand go Ihrere Mannschaft zuejuble....

En nächtliche Bsuecher.....:-)

 Innere Nacht und Nebelmission isch de Bsuecher inegschliche und hät es paar Pfoteabdrück hinterlah hihi

 Leider isch es hüt aber wiederemal ufe und abe mit Dunner, Blitz, Rege, Sunne und Co.

 Eus isch nüt anders übrigbliebe als Jasse bimene Cherzli und eme warme Jägertee :-) Wo's Eus aber die cheibe Charte au na weggwindet hät, hämmer zämepackt.....und sind Hei is warme Stübli :-)

En neue "chillige" Lounge- Platz :-)

 Brrrrrr es isch s perfekte Wetter für die erschte Üebige mit lüchtorangem Segel, de Wind blaset wie verruckt....

Well mir ja d EM überträget, hämmer wiederemal e Zügelaktion duregfüehrt und jetzt hät's es super Loungplätzli geh zum entspanne :-)

 Am Abig hät Dütschland gege Portugal 1:0 gunne und trotz Rege hät's es paar Fuessballbegeistereti gha wo uf es feins Würstli verbicho sind....

Holdrioooo de Himmel brennt :-)

 De EM- Start isch vo viel rege begleitet worde, aber mir händ tapfer beidi Mätsch uf Eusere Linwand zeiget....

Zum Ufwärme simmer hinder de Holdrio und schwupps sind die Teebütel a de Decki ghanget :-)

Plötzlich hät's usgseh wie wenn de Himmel würd brenne und mir alli sind i de Matschpause mit Handy's bewaffnet go fötele.....

EM- Special i de Badi je nach Wetter

Da mir ziemlich fescht vom Wetter abhängig sind: Wind, Rege oder Chälti chönd Ihr Eus uf's Baditelefon: 055 410 11 47 alüte. Dänn chömmer Eu säge öb mir die aktuelle Fuessballmätsch zeiget :-)

Hochzitstag mit selber gmachter Schwarzwälderturte :-)

 Hüt hämmer en Hochzitstag gfieret mit wiess decktem Tisch, wunderschöne Pfingstrose und viel Sunne:-)

 2 Ladies händ sich i de Zwüschetzit so richtig karibisch igrichtet :-)

Eusi Hochzitstag fierende händ e wunderbari Schwarzwälder Turte mitbracht wo mit viel Gnuss gschnappet worde isch.....

Am Mittag händ sich Eusi Gäscht is i de Zwüschetzit 19°C warme Wasser gstürzt.....

Am Abig hämmer plötzlich Bongos ghört und sind schnell zum Fischer sim Hus grennt:-) Det hät's es Geburtstagsfescht gha mit super afrikanischer Musik. Mir händ natürlich sofort mittanzt und mitgsunge :-)))

s "Geburtstagschind" isch ines traditionells Gwand igwicklet und mit viel Musik gfieret worde...

Wow de Mond hät super usgseh, nüme lang und er isch volle :-) Dasmal gits e spannendi Konstellation i de Sterne wo au d Venus debi isch....

Tierisch :-)

 Es hät 5 jungi Schwändli geh wo wie d Patrouille Suisse i Formation de Mama naschwümmed :-)

Au d Taucherli wachset wie verruckt....

 Euses Entepaar isch fliessig am Wiese nach Guti's absueche, viellicht gits ja bi dene 2 au gli Nachwuchs.

 Und natürlich nöd z vergesse min neue Kolleg uf em Steg, er isch natürlich de Allerischönscht vo allne :-)))))