Nöd so Summerwetter, defür super schöni Stimmige am Himmel :-)

Töggelichaschte Ahoi :-)

Tralalalalaaaaaaaa, dank Eusem Kapitän hämmer wieder en Töggelichaschte und alli händ riesig de Plausch dra :-)

Ferieplausch mit em Wasserskiclub

 De Ferieplausch hät agfange und d Chind händ dörfe mit em Wasserskiclub uf de See :-)

Nach de spannende Instruktione sind's losgfahre...d Chind händ riesig Freud gha....

Dänn hämmer na en Geburtstag gfieret wo au über de Seeweg itrudlet isch :-) Happy Birthday und zum Wohl :-)

Bubble Tea und Bsuech us em Welschland :-)

Mmmhhhh mir händ 4 verschiedeni Bubble Tea's zum probiere übercho und die Chügeli sind also super :-))))))

 Gege de Abig sind dänn na die 2 Herre us em Welschland uftaucht und händ die ganz Badi unterhalte :-)

Euse Kapitän hät Matrosinne gfunde :-))))

Während de Sportunterricht uf de Wiese sin Lauf gnoh hät isch Euse Kapitän sehr erfolgriech gsi bi de Rekrutierig vo Matrose :-) Er hät sogar 3 neui Matrosinne gfunde :-)))

Allerdings händ die 3 dänn bim Steg gmeuteret und sind us em Boot ghüpft...hmmmm de armi Kapitän hät dänn ganz allei müesse de sicheri Hafe astüre :-)

Über de Seeweg hämmer dänn na Bsuech übercho wo mit dem schöne Boot nacheme feine z Mittag wieder in See gstoche sind....

Swiss Tachos und Rejosing bi Eus i de Badi

Wow das isch wieder ne super Abig gsi, d Steelband Swiss Tachos hät Ihri Instrument ufgstellt und Eus mit karibische Kläng verzauberet :-)

Well s Wetter echli unbeständig gsi isch händ sich d Tachos under em Dach i Position bracht....

Wo dänn na de Ghospelchor Rejoysing dezuecho isch, isch d Party losgange und alli händ mitgjublet und gsunge

 I de Pause hät's feine selbergmachte Sangria geh :-)

Mit de verteilte Textblätter hämmer alli chöne mitsinge, die einte echli besser als die andere :-)))))

Heissssssssssss :-))))

 Wells eso heiss gsi isch, hät sogar Eusi Schwanefamilie e Pause am Strand igleit und die chline sind scho recht gross worde.

 d Gäscht händ sich im See abküehlet wobi de i de Zwüschetzit scho uf 22°C isch, also scho gli wie dehei i de Badwanne :-)

 Dänn isch na e Bandi vo Polterer verbicho und de Armi zuekünftigi Ehema hät vo sine " Fründe" die ganz Zit nur Bier übercho. Mir händ so verbarme gha, dass mer em grad es Wasser i die na frei Hand druckt händ :-)