Zeltabbau mit Bsuech us Rapperswil

Euse Lindebaum wird immer schöner und git sicher viel Schatte im Summer :-)

 Nach eme ziemlich verregnete Sunntig, hämmer am Mäntig chönne d Zelt langsam abbaue...
Mir händ alli Sitewänd zum tröchne usgleit und au die lange Regeschütz sind putzt und gstrieglet..

 Nachdem mir alles versorgt gha händ isch plötzlich e Frau mit Rucksack um de Egge cho und hät hinders Hus gwunke...Schwupps sind ca 25 Turnerinne dagstande wo nach em Maibummel vo Hedige bis zu Eus gwanderet sind und so ziemlich Durscht gha händ :-))))))

5. Mai mit Sunne, Gwitter und luschtige Gäscht :-)

 Also de 5. Mai hät i Gummistifel agfange, es hät nämlich gregnet und gstürmt. Erscht wo mir d Zelt fertig gha händ isch d Sunne uftaucht...hmmm de Petrus oder aber d Ameiseschenkeli wüsset nani gnau was sie wänd :-))))

Gege de Abig sind dänn Eusi Gäscht froh gsi über s schützende Zelt und je spöter das es worde isch...

....desto usgfallner sind Ihri  Idee gsi hahaha

Alli Dächer sind dobe, tapferi Helfer und charmante Damebsuech :-)

Sodeli jetzt sind au d Dächer vo de Pavillon wieder montiert.

Es hät au scho es paar Bsüechli geh wo gmüetlich die erschte warme Sunnestrahle gnosse händ :-)

Au die erscht gross Sandburg isch entstande, anschienend es neus Hus für d Entli hät de chlini Architekt gseit :-)

Mir händ au 2 ganz fliessigi Helfer gha wo für Eus sogar na kletteret sind.....

Das Team hät blitzschnell alles ufgstellt, mir hoffet jetzt das die Chletteraktion au schöns Wetter bringt für d Saisoneröffnig :-)))))

Am Abig hämmer na charmante Damebsuech übercho wo sich dänn irgendwänn i Eusi Deckene ineknuddlet händ.

Neui Tisch und en Seeblaue Garderobebode

 Hüt simmer go neu Tisch poschte wo genau under d Pavillon passet....Jetzt chammer sich dänn det drunder wieder erhole und feini Sache schlecke :-)

d Ussefassade isch au fertig und lüchtet richtig, aber am coolste sind d Garderobe Böde:-) Die sind jetzt nämlich "Seeblau". Es gseht also super us......

en neue Astrich im Chinderbad, de Garderobe und de Wand

z erscht isch d Babybad dra cho, es isch frisch gstriche worde und gseht wieder us wie neu :-) Da freuet sich Eusi chlinste Gäscht sicher riesig....

Au d Fassade uf de Site und bim Kiosk chunnt en neue Astrich über.....

Während die einte fliessig gschaffet händ, sind die andere mit spiele, gnüsse und Hündli streichle beschäftiget gsi :-)))))

 Au Euses Entepäärli isch gwundrig cho go luege. S Männdli hät sich sogar extra hine bim Schwänzli 2 Löckli inegmacht....das bringt sicher viel Glück bim umwerbe vo sinere Dame :-)

Yoga und Shibashi bi Eus i de Badi

Entli und Amor :-)

 Well Eusi Palme so trurig usgsehnd hät d Susi wunderschöni Blüemli gholt und sich grad as gärtnere gmacht :-)

Es Entepäärli isch ganz gwundrig cho go luege aber wo's nüt z ässe geh hät sind's wieder devogwagglet....

 Am Abig hämmer en chline Apéro für Fründe gmacht, incl. Amor und Fürschale.

Es hät extrem Wind gha und vermuetlich hämmer grad ganz Freiebach igräucheret mit Eusem Fürli:-)