Was isch dänn das für e Ente? :-))))

 Hät irgendöpper scho mal sone Ente gseh? :-) Uf jedefall hät sie de gröscht Plausch a Eusere Yacht....

 d Taucherli händ Nachwuchs übercho wo sie ganz stolz presentiered..

Jetzt hämmer endlich e super Tafle übercho wo mir d Wassertemperatur aktualisiere chönd. Im Moment isch es ja 18°C und s hät scho viel tapferi Schwümmer im See :-)

Reif für die Insel???? :-) Ab sofort hämmer wieder die kultige Schwümmreif bi Eus am Kiosk :-)

SLRG mit wichtige Baderegle

 Mir händ die neue Unterlage vo de Schwyzerische Lebensrettigs- Gsellschaft übercho mit ere wichtige Info: Es git neu jetzt en Film für Chind uf www.das-wasser-und-ich.ch

Geburtstag mit verwirrte Entli :-)

Euses Entepäärli hät im Moment es paar ganz spezielli Idee, Sie höcklet entweder bim Fischer uf em Dach, uf de Bäum oder bi Eus uf em Chinderturm obe :-)))

Uf jedefall hämmer en super Geburtstag gfieret mit eme mmmhhhh feine Brunch....

De Wasserskiclub hät endlich emal chöne s neue Boot go teschte..heieiei das isch sicher super zum fahre. Uf jedefall sind's begeisteret :-)

Gege de Namittag hät's es paar Pfingstsunntig- Sünneler geh.....

Und dänn hämmer na Töff-Bsuech übercho: vo Zug über d Fähre :-) Wo use Bsuech wieder in Zug gsi isch......

..... hämmer das Föteli vo dem wunderschöne Sunneuntergang übercho.
.

Mischmasch :-)

 Eusi arme Palme sind immer nani so die schönschte, aber mit singe, guet zuerede und Bachblüete werdet sie sicher bis am 3. Juli wieder schön grüen :-))))

Uiuiuiui Eusi Yacht isch acho und bald heisst's ab uf's Floss...allerdings isch min gueni Schwan immer debi..er chunnt sicher go helfe putze hihi

 Au Eusi Balke sind wieder alli am Ort und jetzt heissts: Ab is Wasser......brrrr de See hät 16°C

Euses Lieblingsgrät de Kärcher hät leider echli chalt gha im Winter, aber eer isch i de beste Mehhänd vo Freiebach.....

 Die Einte händ gschaffet und die andere händ es Nickerli gmach :-)))))...und es paar anderi händ en feine Bluemesandchueche bachet mmmhhhhhhhhhhhhhhhh

Gege de Abig isch na en Renault Twizy uf Bsuech cho, hey das isch es super Elektromobil..viellicht wird ja so eine emal en Badishuttle vom Parkplatz zu Eus :-))))

Schwupps scho isch es 5 i gsi und mir händ e lässigi Happy Hour gmacht mit diverse feine Cocktails und fröhliche Gäscht.....

Wo d Sunne untergange isch, sind alli schnell an See gange und händ das wunderschöne Naturerreignis bewunderet

Happy Hour vo 17-19 am Fritig bi Eus i de Badi

Mmmmhhhhh mir machet am Fritig am 25.5.12 e Happy Hour ( nur Getränk) vo 17:00-19:00
Mir freuet Eus scho druf mit Eu azstosse :-)))))

KUBB Spieli, schöni Biesserli und en spannende Gast us San Diego :-)

 Sodeli jetzt weiss ich endlich de Name vo dem coole Spieli wieder, KUBB nämlich......

Während 2 Parteie versuecht händ die Holzstäb z treffe händ d Zueschauer sich mit neue Gebiss verschöneret :-)

Gege de Abig isch na en spannende Gast uftaucht wo 25 Jahr in San Diego diversi Sache renoviert hät. Jetzt isch er i de Schwyz und macht sehr schöni renovatione :-)Homepage: www.goodoldart.ch

Yoga bi Eus am See

Immer wenn s Wetter mitspielt git Carolina zu verschiedene Zite Yoga bi Eus i de Badi Freiebach :-) Chömed doch emal go güxle, es isch immer wunderschön und entspannend so nöch am See.....

Schwan füetterig + Regeschirm Premiere

Euse Badischwan hät mega Hunger gha und isch ganz nöch zum Steg cho :-))))
Gott sei Dank häts vo dene 2 Ladies es Guti geh....

Leider isch es am Namittag wieder cho go regne und schwupps hämmer us de Sunneschirmständer en Regeschirmständer fabriziert :-))))

Also mir händs uf jedefall super luschtig gha und de Petrus cha vo Eus us mache was er will.....

Seetaxi Isatz und Bsuech vom Ruederclub Richterswil

Wo mir am Morge cho sind, hät grad de Ruederclub Richterswil bi Eus agleit. Zum Chräft für de Heiweg z sammle hät's e feini heissi Schoggi geh und frischi Gipfeli mmmhhhh

 Well ja s Wetter wiederemal solala gsi isch hämmer en Bsuech vomene tapfere "Elektrobikefahrer" übercho, wo sini kostbar Fracht super verpackt gha hät :-)

Plötzlich hät am Röbi sis Wassertaxi a Eusem Steg gstoppet und ca 13 Lüt sind mit dem super Boot in See gstoche :-))))

Im Innere vom Wassertaxi häts super bequemi Sitzglegeheite und natürlich Musik für d Unterhaltig... Das isch uf jedefall e super Idee für en Usflug uf em Zürisee und hey de Kapitän isch mega charmant :-)

Gege de Abig hämmer na e super Ushilf gfunde wo Eusi Gäscht mit viel Charme bedient hät :-)))