BLS-AED Grundkurs bi 30°C und das im April

 De Wetterbricht hät 30°C gmeldet und genau dänn händ mir en Kurs gha vo 9-16:30, das hät für Eus gheisse ab in Cheller zu de Samariter :-)

De Kurs isch dänn also viel spannender gsi als mir gmeint händ und mir händ wieder viel chöne lerne. Au wie mer en Defi isetzt.

 Am Namittag ab em halbi 2 hämmer e super Kioskvertretig gha wo under anderem au die mmmhhh "gluschtige Auge" a de Gable verchauft händ :-)))))

Pavillon- Ufbau und de 1. Seehüpfer :-)

Well ja Euse grossi Baum am Igang de Hagelschade nöd uberlebt hät, simmer uf d Suech nachere schöne Bedachig in Form vo 2 Pavillons....de Hampi hät Eus ghulfe die ufstelle und das isch Blitzschnell gange :-)

 Plän studiere, Stange positioniere, Schrube inedrehe, abmesse, as richtige Ort stelle und in Bode düble :-)

I de Zwüschetzit hät de Manuel Eusi Türe in Ornig bracht und jetzt gsehts wieder super us.....

 Gege de Abig händ 2 flissigi Biendli scho mal es paar Süessigkeite abpackt mmmhhhhh

Au de 1. Muetigi isch da gsi und schwupps in See ghüpft bi 12°C brrrrrrrrrrrrrrrrrrrrrrrrrrrrrrrrrrrrr

Baby's und anderi Badigrüsch :-)

Händ er scho mal so en Bese gseh??? De isch de absoluti Hit und gits in Luino am Märt :-)

 Eusi Rettigsring hanget wieder und kündiget de Summer a....

Au d Ess und Trinkcharte isch gschriebe mmmhhhhhh

Während mir d Garderobe usgrumet und wieder in Stand gstellt händ, sind Eusi liebe Gmeindsmitarbeiter namal cho go de Rase mähe...Das heisst: Badituech, Bikinis, Badhose, Sunnecreme, Sunnebrülle ipacke und hey de Wetterbricht hät 28°C agseit am Wuchenend juhuuuuu

Die erschte Fischli sind mit viel Gnuss gässe worde...

 Eusi einte Gäscht händ d Sunne und d Glace gnosse und d Susi und ich händ de herzige Baby's wo's über de Winter geh hät d Badi vorgstellt :-)

Alli neue Glacesorte sind gnaustens vo Eusem Experte teschtet worde :-))))))

Moni's Paradies :-)

Am DO Namittag chömmer ändlich afange chochä :-)

Endlich chunnt d Sunne zrugg und d Glacebox isch ufgrüschtet mmmhhhh, s hät au es paar Neuheite drunder....z.B es Pistache- Cornet extra für mich :-)

Uf die erschte Fischchnusperli freuet mer Eus scho riesig, jetzt müend nur na d Friteuse us em Winterschlaf verwache :-)

s erscht Mal gmäht und d Chüelschränk gwarted....

 Euse Badischwan hät sich's au scho schön gnisted und hät im Moment na die ganz Wiese für sich allei :-)

 Eusi Mitarbeiter händ s erscht Mal de Rase gmäht und es gseht scho richtig iladend us....

Dänn isch de Herr vom Beeler Service verbicho und hät alli Chüehlschränk unter d Lupe gnoh, allerdings bruchet mer namal en Monteur, well de einti Chüehlschrank heizt anstatt chüelt :-)

Ostersunntig mit Schnee grrrrrrrrrrrrrrrr

8. April 2012, Ostersunntig, Schnee...d Frisur sitzt :-)))))))

 Dänn machet mer halt de Osterbrunch dine mit feine selbergmachte Zöpf und Schoggihäsli....

Allne e wunderschöni Ostere und bis hoffentlich gli i de Badi

KK Tag :-) Kafimaschine und Kärcher

Euse Kärcher hät friedlich vor sich anegsprützt und wie immer inclusiv Schueh Hose und Gsicht :-)

d Saison 2012 isch i de Startlöcher...

Hüt isch au scho de Herr Zweifel verbicho und lut sinere Uhr simmer perfekt " In Time"

Und Eusi herzig Dinosaurier- Kafimaschine hät nach fascht 5 Stund Revision wieder die erste Kafi useglah.....

de 1. Tag i de Badi und natürlich mit es paar Komplikatione tztztztztz

 Jetzt wo die Bäum am Igang weg sind, hämmer plötzlich ganz en grosse Platz übercho und mit echli Glück gits e schöni Lösig für echli Schatte :-)

 Well mir ja na kei Wasser händ, simmer en Tisch und Stüehl go hole zum echli d Badi gnüsse....

 Allerdings hät Eusi Kaffimaschine bim erschte Stromkontakt so richtig vor sich anegraucht hmmmm das heisst warte bis de Mech chunnt. Gott sei Dank händ's Stockers verbarme mit Eus gha und mir händ en feine Milchkafi übercho mmmhhhhhhh

 Well ja Euses Wasser nani gloffe isch, hät de Kari Abegg en Schwenker zu Eus gmacht und alles super wieder igstellt :-)

Das heisst, Morn gahts as kärchere damit mir gli chönd dusse sitze :-) und feini Sache ässe..