Tele Züri bi Eus i de Badi Freiebach :-)

Well ja überall Öl im Zürichsee gsi isch und Eusi Schwümmerinne ganz schmierig us em Wasser cho sind, häts namal richtig Action geh i de Badi :-)

Während dem mir nämlich am ufrume gsi sind isch plötzlich d Yvonne Eisenring vom Tele Züri um de Egge cho und au de Herr Knobel vom Höfner isch verbicho....

 

 

 

Die 2 händ sich dänn i Position bracht, damit sie en spannende Bricht händ chöne schriebe...

 

 

Brrrrr de letschti offizielli Arbetstag i de Badi :-(

Samstig 15. September und es isch brrrrrrrr extrem chalt gsi... mir händ alli Eusi Grät igstellt und en Tisch id Chuchi zügled :-)))))) 

 Sogar d Winterschueh sind zum Isatz cho und öppe 3 Jagge...

Natürlich hämmer au namal de ganzi See beobachted und d Tante U hät zum Saisonendi na e Rundi über d Badi dreht :-)

Mir wünsched Eu allne e gueti Zit und bedanked Eus vo Herze für die super Unterstützig dur d Badisaison 2012 :-)

Was hät ächt " Il Capitano" gseh??????

 Euse Kapitän hät es Fernrohr übercho :-) Hmmm hät er ächt die schön Lounge gseh?......

 ...oder ächt doch d Ruederer wo namal uf en Bsuech cho sind, oder................

...ächt Eusi fascht leer Spiescharte, oder....................

 ...ächt doch das mega schöni Füürli????? :-)))))

Ustrinkete mit Baywatch- Chueche :-)))

 Mmmhhhhh mir händ en wunderschöne und super feine Chueche übercho alla Baywatch Girl mit eme Haifisch im Zürisee :-))))

 Damit Eusi Gäscht dänn es gluschtigs Raclette händ chönne gnüsse, hämmer Tisch zämmegstellt und scho mal alles Essbereit gmacht..En Guete :-)

Mer hät chönne underem Dach oder underem Himmel ässe......

....aber bis uf d Wiese händ d Kabel nüme glanget :-)

Entrümplig vo de Fundgrueb

 Mir händ ja über d Saison viel verschiedeni Sache gfunde und alles ine Chischte packt, nach em Sortiere erkennt viellicht öpper na irgend es Tüechli oder suscht öppis????

Bis Endi vo de nächschte Wuche sötted alli Ihri Liegestüehl abhole und au d Chäschtli leere...
Falls öpper unsicher isch öb mir i de Badi sind, wär da namal d Telefonnummere:
         055 410 11 47

De Herbscht isch da brrrrrrrrrrrrrrrr

 Also de September hät scho ziemlich herbschtlich Agfange, mit viel Nebel, Rege und chüehlere Temperature...
Allerdings macht das Eusere Badichatz gar kei Idruck, sie hät jetzt nämlich ganz viel Platz under Ihrem Baum :-))))

 Und s Beschti isch natürlich, das de Summer perfekt ufs Wuchenend zruggchunnt:-) Eusi Vorbereitige für d Ustrinkete am Samschtig laufet uf Hochtoure

Es gaht wieter mit dere gföhrliche Liebi :-)))))))